الحقرة يا ظالمين ما تزيد في قدر
الحقرة يا ظالمين ما تزيد في قدر ولا رجلة
يا السي قرباج ماحشمت ما حكمتك خجلة
راك غير زدت العميد في الشهرة والبجلة
وضحكت عليك الخلق من جبل طارق لدجلة
ماناش سامعين بيك وبعون الله نديرو حفلة
انت واللي كيفك من الحسرة ماتغمضو جفلة
راشدي و ادرار مايسواوش في قمجتي قفلة
قاسي السعيد وجبور تاع لا شان طروا
يا راوراوة وكل الحساد درنا عليكم كروا
ما يربحش اللي ظلمنا وحب يحقرنا
ولاد العميد ومن زمان عندنا ما درنا
لكن في غبائك وحمقك رانا حرنا
ومن صحانية وجهك قريب غرنا :
كيفاه بعد ما قاسى العميد و صبر
ودار مدن البلاد ودشورها شبر بشبر
يجيبلك ربي انت مع التوالى تجيب الخبر
ياو حنا مانسمحوش في حقنا حتى للقبر
فريق الشهداء ربي يفرحنا ويهنينا
أولاد صخر قسنطينة ولاكوب لينا
ومعاها البطولة، انت واش دخلك فينا ؟ :
ندورو كل افريقيا ومانقولوش عيينا
علاه الأهلي والراجا فاه خير علينا
مالا من فضلك راك طولت روح اخطينا
وعندك تغلط كاش نهار وتجي لينا
تسمع ما لايرضيك وتروح بغبينة
بهدلت بروحك بما يندي الجبينا
وربحت غير العيب كي خلطت فينا
مانديروش عليك عندنا اللي تزهينا
الخضرا العزيزة حبها يجري فينا
العشق الممحون، من الصغر هكذا تربينا
نتحداو كل حقار، هكذا الخضرا تقرينا