|
مع اني ما نعرفش بزاف اللاعبين لي استقدمناهم لحد الآن لكن يا جماعة الخير راني متفائل لأني متأكظ ماش راح يكونو اسوء من بو درامة و مواقي و توسين و الخردة لي خلاهانا الخنزير الوردي و اسمحولي على استعمال العبارات هدي لأني ما لقيتش بيمن نشبهو و ما نحبش نذكر اسمو
المهم خاوتي حبيت نوضح حاحة من هدا المنبر و حسب ما نشوف انا و هدا رأيي الشخصي و من منطلق حديث النبي عليه افضل الصلوات و أزكى التسليم من لا يشكر الناس لا يسكر الله
اتقدم بعبارات الشكر للسيد طارق عرامة على كل هده المجهودات التي قام بها في سبيل تدعيم و انقاذ الفريق من الوضعية الكارثية التي كان فيها
نرجعو للحاجة لي حبيت نوضحها. حبيت نقول للناس لي تنتقذ في عرامة على نوعية اللاعبين لي استقدمهم و هدا حقهم طبعا انهم ينتقذو بكل أدب و بطريقة حضارية رغم ان الكثير منهم نعرفو التوجهات تاعهم و ليمن تابعين
انو في الميركاتو الشتوي ماشي ساهلة انك تلقا لاعبين بالجودة لي تحوس عليها وانو اغلبية اللاعبين المتاحين يا إما مسرحين من فرقهم و لاعبين حبو يغيرو الأجواء بسبب عدم تأقلمهم مع فرقهم و لبعث مشوارهم من جديد و هدا لا يعني انهم ماش راح يقدمو الإضافة او يتألقو معانا و رانا مررنا بأمثلة كثيرة منها بلخيرعلى ما أضن جبناه في نص العام و نجح معانا
في الأخير حبيت نضيف حاجة هدا لا يعني انو عرامة اصبح شخص غير قابل للنقذ نحن نسير منطلق نقول لمن احسن احسنت وامن اساء اسأت. و السلام غليكم و رحمة الله و بركاته
|
