الصلاة و السلام على خير الأنام
أيا ماسينيسا لك منا السلام----فقد أسرتنا بطيب هدا الكلام
قد كان خير مقال لخير مقام----كفيت و وفيت فما عليك ملام
آه لو.. يصدق الفعل و الكلام----فالكأس الحبيبة.. المنى و المرام
دعواتنا لك يا لومير الهمام----فقسطينة كلها وراءك فإلى الأمام
يعطيك الصحة خويا الفنان سفيان...
تقول الواحد يمشي هاد الليلة حفيان...
يكومبي قدام الستاد في دزاير دفيان...
بحلم بالكاس بلا مايغمض الاجفان...
يا يجيبها معاه يا يولي في الاكفان...
آني غير نحي على قلبي ونقصّر...
كي نتفكر الماتش الجاي قلبي يتعصّر...
خدّمتهالي هاد الكاس بلا ما نفسّر...
ساعات نخاف صح ومقلّق نتحسّر...
لوكان الخضرا بعيد الشر تتعثر...
واللي بنيناه ولمينـّاه يروح ويتبعثر...
وحلم الكاس مرة اخرى يتبخـّـر...
ولاّ نقولك خويا نجيبها من لخـّـر...
الواحد يتوكـّل على ربّي وفيها كل خير...
مع الطاسيلي، كل العائلة الخضرا ولومير...
كيما تجي مرحبا بيها والأمل كبير...
في ربّي سبحانه ما نتقلـّق ما نحير...
المشروع تاعنا مليح والطريق صحيح...
رانا خرجنا من الفوضى وكلام الريح...
نروح نتفرج الماتش وقلبي مستريح...
الخضرا صايي طارت ومابقاتش تطيح...
هيا بنا لدزاير نهولوها بهجة وفرجة...
تشجيع بالحضارة في الدخلة والخرجة...
نتوكلو على ربي ومنو الخير يـُــرجى...
طريق المجد طويلة... نجيبوها درجة بدرجة
